Les mots surlignés font l'objet d'une note
1Monsegneur, ayand esté adverty par les conssulz
2de Roumans que votre segneurye les leur avoyt
3commendé soy tenir sur leurs gardes et la ville en
4assurensse, mont par sanblable adverty que
5je ne fisse faulte à men prendre garde en ces
6quartiers de Royantz, et mesmes du chasteau
7de Rochechinard, duquel je me suis saysi où jay mis
8monsieur de Parvans mon nepveu avec dys douzènes
9de soldartz ; et nayand treuvé personne dedans
10à qui parler, ay faict lever la sarreurie. Ce que jen
11ay faict sest cregnand une première saysie, que
12fust esté grand prejudice du service du roy et du
13peys. Il vous plarra, monsegneur, me commender
14le service quil vous plaict que je vous fasse,
15car suis toute ma vye prest à hobeyr à vous
16commendemans. Je fusse allé devers votre segneurye,
17neust esté que pour me prandre garde sabas et
18pour vous en advertir du tout, par coy, en atandant
19presente en me recommendant très humblemant
21à votre bonne grasse, pryand Dieu
22Monssegneur vous donner en sainté longue et
23heureuse vye. De votre mayson de La Baulme, ce
24samedy dernier aoust 1572
25Votre obeyssant heumble affetyonné
26Servyteur
27La Baume dotun
28